02.07.2012 ж.
Азаматтық хал актілерді тіркеу жұмысын жетілдіру басты назарда
Қарасай аудандық Әділет басқармасының АХАТ бөлімінде азаматтық хал актілерді тіркеу жұмысын жетілдіру бойынша бірқатар жұмыстар атқарылуда.
Атап айтқанда, Қазақстан Республикасының азаматтары Чигамбаев Даур Батырович пен Кульмаканова Асемгуль Ериковнаның некеге тұру өтініштері 2012 жылы 29 мамырда электронды түрде қабылданып, аудандық АХАТ бөлімінің ғимаратында 2012 жылы 30 маусымда салтанатты түрде некесі тіркелді, аудандық АХАТ бөлімінің бастығы Қ.М.Бұғыбаева үйленіп жатқан жастарды құттықтап, неке куәлігін,гүл шоқтарын табыс етті.
Сонымен қатар, азаматтық хал актілерін тіркеу саласында заң бұзушылықтарға жол бермеу мақсатында да жұмыстар атқарылып жатыр. Қаскелен қаласының тұрғыны А.Созакбаева 2003 жылы 12 маусымда туылған баласының туу туралы актісінде жалғыз басты ана ретінде тіркелген, алайда азаматша 2003 жылы 30 мамырда Турция азаматы Каракайна Хюсейинмен заңды түрде некеге тұрғанын жасырғаны үшін Қазақстан Республикасының «Әкімшілік құқық бұзушылық туралы» Кодексінің 375 бабы бойынша іс қозғалып, азаматшаға 2 айлық есептік көрсеткіш мөлшерінде айып пұл салынды.
Аудандық Әділет басқармасында азаматтық хал актілерді тіркеу саласында атқарылып жатқан жұмыстар жақсы көрсеткішке жетіп, 2012 жылдың бірінші жарты жылдығында барлығы 5193 азаматтық хал актілері тіркелді, яғни былтырғы жылмен салыстырғанда 226 актіге артып отыр.
Қарасай ауданы Әділет басқармасы
|