09.07.2012 ж.

                                                              Астана күні мерекесі кең көлемде атап өтілді.

           Елорда күнін мерекелеу аясында Алматы облысы Әділет департаменті және аудандық, қалалық Әділет басқармаларында ақпараттық-насихат жұмысы  ұйымдастырылып, барлығы 65 іс шара өткізілді.

         Оның ішінде, жергілікті жерлерде баспасөзде 16 мақала жарияланып, радиода 2 рет ақпараттық насихат жұмысы өткізілді, 4 семинар, 11 дөңгелек стөл, 32 дәріс оқылды.

         Әділет департаментінен «Әлем қаласы-Астана» тақырыбында Астананың тарихы туралы,  Қазақстанның дүние жүзілік қауымдастықта беделін көтеруде Астананың атқаратын ролі туралы жазылған арнайы материал әзірленіп аудандық, қалалық Әділет басқармаларына жолданды.

         Жіберілген материал Әділет басқармаларының ұйымдастыруымен аудандық, қалалық газеттерде жарияланды.

         Сондай ақ, әділет басқармасы қызметкерлерінің өздері әзірлеген мақалалары атап айтқанда, Қаратал ауданы әділет басқармасынан «Қаратал» газетінің мерекелік номеріне «Прекрасный город, устремленный в будущее!» атты кең көлемде жазылған мақала жарияланды.

         Астана күніне орай, жергілікті жерлерде өткізілген спорттық шараларға әділет департаменті және басқармалардың қызметкерлері белсенді қатысты.

         Атап айтқанда, Райымбек ауданы Әділет басқармасы  қызметкерлері ауданда өткізілген спорттық жарыс кезінде арқан тартудан бірінші орынды иеленсе, Ескелді ауданы әділет басқармасы қызметкерлері шахмат, дойбы жарыстарынан жүлделі орындарға ие болды.   

        Сонымен қатар, Талғар ауданы әділет басқармасында Астана күніне орай отасқандарына 50 жыл толған ерлі зайыпты Құрманғалиевтердің «Алтын той» мерекесі өткізіліп, той иелеріне «Алтын неке» куәлігі салтанатты түрде тапсырылды.

  Алматы облысы Әділет департаменті

  Баспасөз қызметі